I schänke dir mis Härz


 D'Szene isch e chliini Bar
 Irgendwo i dere Stadt
 Und i bschteue e Whiskey
 Hocke irgendwo ab
 Wos grad Platz het u luege echli ume
 Wär so umenang hocket
 Aber kenne tueni niemer hie inne
 Überau hocke Lüt hinger de Schampus-chüble
 Geng e Frou un e Typ
 U nippe am ne Flüt u hange anenang a
 U rede öppis über nüt
 U nume i bi allei
 Hie u da wächsled s'Liecht
 Hie u da verschwinde wider zwöi irgendwo
 U irgendeinisch geit hinde
 E dunkelblaue Vorhang uf

 Hinger em Vorhang het's e Bühni
 U uf der Bühni schteit e Frou
 Wo i de Ungerhose irgendsone Shou zeigt

 I luege sochli zue
 U i hocke so chli da
 U gspüre plötzlech
 Dass i irgend sone Hang uf em Chnöi ha
 U dräie mi um
 U näbe mir hocket eini
 Won i nie vorhär ha gseh
 U fragt öb i alleini sig
 U sie sig ou L.A.
 I söu nid überlege
 I gfaui 're no so
 Sie wöu eifach echli rede
 Viellecht sött i hie no säge
 Sie gseht schön us
 Sie isch e schöni mit schöne länge Haar

 U klar bin i nervös worde
 Klar hani drunke
 U mit jedem Schluck het sie mi
 No chli schöner afa dünke
 U nach jedem Glas Champagner
 Hets sie geng no eis wöue
 I ha zaut u zaut
 Bis i eifach nüm ha chönne
 U ha gseit: ,Hey wei mir nid zu mir oder so'
 U sie het gseit: ,I chönnt di so verwöhne
 So ire haub Schtung chönnt i cho
 Jitz säg mer eifach nume no wiviu
 Säg wieviu
 Wiviu gisch mer wenn i chume'

 I schänke dir mis Härz
 Meh han i nid
 Du chasch es ha, we de wosch
 Es ist es guets und es git
 No mängi wos würd näh
 Aber dir würd i's gä
Zueri West (Kuno Lauener et al.)
Back to the Personal Homepage.